Her er uppskriftin uppá tað bestu lasanju eg nakrantíð havi smakkað. Hon er gjørd frá botninum og er løtt og bílig at gera. 

Tíð: umleið: 1 tíma. 

Tilfar: (sí mynd)

• Umleið 500 gram hakkikjøt  
• 3-4 gularøtur 
• 2 leykir
• 2 blikkdósur av tomatum
• 2 dósur tomatkonsentrat
• 1 pakkað mornaysause
• Lasanjuplátur
• 2 teskeiðir karry 
• 2 teskeiðir origano
• 2-3 fet av hvíttleyk 
• Salt 
• Ostur til at koyra omaná

Mannagongd: 

• Sker leykirnar sundur og svitsa teir í grýtuni. Inntil teir eru bleytir og blankir (ikki brúnir!)
• Koyr síðani 2 stroknar teskeiðir av karry í (lat tað “brenna av”)
• Brúnka hakkikjøtið saman við leykinum (rør í, so kjøtið ikki klumpar)
• Rív 3-4 gularøtur og koyr í
• Koyr 2 toppaðar teskeiðir av origano í
• Koyr blikkdósurnar av tomatunum í (hakka við knívi í grýtuni) og koyr tomatkonsentrati í
• Pressa 2-3 fet av hvíttleyki í 
• Smakka til við salt og evt. Supputerning (fx. Maggie ella Oksekraft)
• Lat alt smákókað í 15-20 min. Tá liðugt er at kókað koyrir tú í eldfastfat
• Eitt lag av kjøtblandingini á botnin á fatinum
• Stoyt Mornaysósina omaná kjøtið
• Eitt lag av lasagnu-plátum
• Osturin skal koyrast á ovsat 
• Koyr í ovnin á 180 gradum í 30 min.

Karis í Liða Hansen

Karis er gift við Osvald P. Hansen og býr í Tórshavn. Hon er útbúgvin tannrøktari. Hon stríðist dagliga við epilepsi, har eingin heilivág ella viðgerð hjálpir. Hon finnur lívsgleðina og mót at liva, gjøgnum hennara trúgv á Jesus. Hon er takksom at hava fingið eitt gott andaligt sjónarmið, sum hjálpir henni í tí dagliga. 

Karis dámar væl íverksetan, marknaðarføring og branding. Síðani dámar hon eisini væl at blogga um mat og lívsstíl. Hon hevur - saman við øðrum - eisini verið við til at stovnað hesa síðu.

Instagram/karisilida

Facebook/karislida

Sí fleiri greinar hjá Karis