Ein bleytur, søtur kardamummubolli fyltur við vaniljukrem – gerst tað leskiligari?
Byrja við vaniljukreminum
5 dl. Mjólk
5 tsk vaniljusukur
125 g. Sukur
5 stk. Eggjablommir
40 g. Maizena mjøl
50 g. Smør
Evt. Gula fruktarvu
Framferðarháttur, vaniljukrem: umleið 20 stk.
- Kóka mjólkina varliga upp, saman við helvtini av sukrinum og vaniljusukrinum.
- Blandað retina av sukrinum, maizenamjølið og eggjablommurnar saman.
- Blandað eitt sindur av tí heitu mjólkini í eggjablandið, so tað blívur eitt sindur flógvt, og koyr síðani eggjablandið í grýtuna aftur og lat tað aftur koma uppá kók, meðan tú rørir í.
- Tak tað síðani av plátuni, og rør smørið í kremið, til kremið er javnt.
- Um man vil kann man koyra eitt sindur av gulari fruktfarvu í.
- Koyr í eitt ílæt og legg húsarhaldsfilm omanyvir, so filmurin nertir við alla yvirflatuna av kreminum (Hetta, fyri at fyribyrgja at skorpa kemur omaná kremið). Stilla kalt meðan tú gert bolladeiggið.
Bolladeiggið:
30 g. ger
3 dl. Mjólk – flógv
1 egg
700 g. Hveitimjøl
120 g. Sukur
1 tsk. Salt
2 spsk. Kardamummu
100 g. Smør – bleytt, men ikki smeltað
Framferðarháttur, kardamummubollar:
- Upploys gerina í flógvu mjólkini, og koyr síðani restina av tilfarinum í og elt deiggið í einar 10 min.
- Lat deiggið heva í umleið 30 min.
- Deil síðani deiggið í smáir bollar (umleið 60 gr./stk.) og forma teir til rundar bollar. Trýst teir eitt sindur flatar og lat teir so aftur heva í stovuhita til teir eru umleið dubult so stórir.
- Tá bollarnir eru liðugt hevaðir, verður vaniljukremið sprøjtað (við sprøjtuposa) niður í hvønn bolla.
- Baka síðani bollarnir á 210 gradum (yvir- og undirhita) í uml. 7 min. (ella til teir hava fingið eina ljósabrúna farvu omaná).
- Lat bollarnir kólna eitt sindur, og smyr teir síðani við eitt sindur av smeltaðum smørið og dippa teir í sukur.
Birita Olsen
Birita er 30 ár, uppvaksin Undir Gøtueiði og er nú búsitandi í Saltangará. Hon er gift við Búgva V. Olsen og eiga tey bæði tvær døtrar, sum eita Annika & Linnéa. Hon er útbúgvin kondittari, men er í løtuni undir øðrum lesnaði. Birita fær íblástur ymsa staðni frá, bæði frá bloggarum, av heimasíðum, av bindiklubbum og so eisini heimanifrá.
Brudleyp